一路走来（生活 / 粤文）

nbsp;

我上讨论区睇下关于小花嘅post。好多网络作者话小花「好假」，係唔係都讚其他网络作者写嘅小说好好睇，扮係欣赏佢哋嘅作品，其实係为咗博对方欢心，为自己製造人气……睇咗唔係好多个post，我已经流晒眼泪鼻水——原来所有嘢都係假?！

阿敏听到我索鼻，入房睇下咩事。佢望个mon几眼，直接熄咗我部电脑。

我直觉认定阿敏一早知道：「你唔话我知？」

「我认为係haters喺度搞事，无需要太在意。」阿敏翘起双手，半坐喺枱边。

「你觉得……小花无……呃……我？」我冷静咗少少。

「小花有呃你或者无呃你，对你影响好大咩？」唔知点解，阿敏突然语气唔多好，有啲??。「如果係咁，不如你问下自己，你係咪真係钟意写小说，或者你知唔知道咩係『钟意』。」

「如果我唔知咩係『钟意』，唔通你又知咩？你钟意乜呀？你部电脑呀？定係你玩紧隻game嘅角色呀？」面对阿敏嘅质疑，我火遮眼，不知不觉开始人身攻击。

阿敏笑咗笑，讲嘢嘅语调平淡到似係扮出嚟：「『钟意』係遇到错折都唔放弃，而我钟意嘅係我以前个女朋友……」

阿敏坦白承认自己係独子，无细妹，我住紧间房其实係佢以前女朋友嘅。佢为咗赚钱结婚，以前做地產经纪时好博命。日头做得辛苦，夜晚放工自然会打机轻松下。但係喺佢女朋友眼中，佢就係懒，放工之后净係识打机，乜嘢家务都唔做。有一次佢哋为家务问题嗌大交，佢女朋友嬲到离家出走，无返过嚟，仲转工、改电话号码、删社交帐号……

阿敏开咗罐啤酒，一路饮，一路讲，一路苦笑。「我清楚明白佢嘅意思，亦唔会去烦佢。唯一问题係我个心放唔开。我知道自己唔应该继续掛住佢，要重新出发、搵过另一个，不过我无动力去咁做。我以前做到成隻狗咁就係为咗赚多啲钱，畀好啲嘅生活佢，等佢可以风风光光

本章未完，请点击下一页继续阅读！ 第9页 / 共11页